ლენტეხის მუნიციპალიტეტის სოფელ ნანარში, ხანძრის შედეგად დაზარალებულ ოჯახს, ხელისუფლების წარმომადგენლებმა, სახლისათვის სახურავი და საყოფაცხოვრებო ტექნიკა გადასცეს.

რაჭა-ლეჩხუმ- ქვემო სვანეთის სახელმწიფო რწმუნებულის ადმინისტრაციის ინფორმაციით, გარდა ამისა ლენტეხის მუნიციპალიტეტის სოციალური პროგრამის ფარგლებში, ოჯახს გაეწია ფულადი დახმარება 5 000 ლარის ოდენობით.

„რაჭა-ლეჩხუმ-ქვემო სვანეთის სახელმწიფო რწმუნებულმა - პაპუნა მარგველიძემ პირველ მოადგილესთან- ქრისტინა კობახიძესთან, მოადგილე ლევან ზალკალიანთან, რწმუნებულის ადმინისტრაციის ადგილობრივი თვითმმართველობის ორგანოებთან ურთიერთობის სამსახურის უფროსის მოადგილესთან ილია კენჭაძესთან და ლენტეხის მუნიციპალიტეტის ხელმძღვანელ პირებთან ერთად, ხანძრის შედეგად დაზარალებული ოჯახი მოინახულა. ადგილობრივი ხელისუფლების წარმომადგენლებმა დაზარალებულ ოჯახს სახლისათვის სახურავი ბიზნესმენ- ზურაბ სამსონაძის, ხოლო პირველადი მოხმარების საყოფაცხოვრებო ტექნიკა და სასურსათო პროდუქტები, საქართველოს წითელი ჯვრის საზოგადოების მხარდაჭერით გადასცეს. გარდა ამისა ლენტეხის მუნიციპალიტეტის სოციალური პროგრამის ფარგლებში, ოჯახს გაეწია ფულადი დახმარება 5 000 ლარის ოდენობით. 27 იანვარს ლენტეხის მუნიციპალიტეტის სოფელ ნანარში, ენგუში ლიპარტელიანის 8 სულიან ოჯახს საცხოვრებელი სახლი დაეწვა. ხანძრის შედეგად არავინ დაშავებულა, თუმცა, განადგურდა საყოფაცხოვრებო ნივთები და დაიწვა საცხოვრებელი სახლი“, - ნათქვამია გავრცელებულ ინფორმაციაში.