Golden Tulip Design Tbilisi საქართველოში პირველი სასტუმროა, რომელიც NFT პლატფორმაზე იქნება წარმოდგენილი

Golden Tulip Design Tbilisi საქართველოში პირველი სასტუმროა, რომელიც სტუმრებთან კომუნიკაციას NFT პლატფორმის საშუალებითაც დაამყარებს და მათთვის ექსკლუზიურ კლუბს შექმნის.

სასტუმროს 77 ნომერი ქართველი არტისტების მიერ ხელით შექმნილი ნამუშევრებითაა გაფორმებული, რომლებიც საქართველოს ისტორიის მნიშველოვან ფრაგმენტებს გადმოგვცემს. სწორედ ეს ნამუშევრები განთავსდა პლატფორმა Enefty-ზე.

მოცემულ პლატფორმაზე მსურველებს საშუალება ექნებათ შეიძინონ საწევრო ბარათები NFT ნამუშევრების სახით და შემდგომში, ჩვენს სასტუმროში ისარგებლონ ექსკლუზიური პირობებით.

Enefty ბერლინში შექმნილი სტარტაპია, რომელიც ხელს უწყობს ბრენდებს გამოიყენონ ინოვაციური ბლოქჩეინ ტექნოლოგია რათა მარტივად შექმნან ლოიალობის პროგრამები და გაზარდონ მომხმარებლის ჩართულობა ბრენდის აქტივობებში. Enefty-მ წარმატებით განახორციელა მსგავსი პროექტი გერმანიაში. პროდუქტს აქტიურად იყენებენ ისეთი საერთაშორისო ბრენდები, როგორიცაა Starbucks, Nike და ა.შ.

„ჩვენ მოხარული ვართ Golden Tulip Design Tbilisi-თან თანამშრომლობით და გვჯერა, რომ ლოიალობისა და საწევრო პროგრამების მომავალი მდგომარეობს ბლოკჩეინში რომელიც არის შესანიშნავი საშუალება სტუმრების ჩართულობის და გამოცდილების გასაუმჯობესებლად“, - ამბობს გიორგი ჯაშიაშვილი, Enefty-ის აღმასრულებელი დირექტორი.

„სასტუმრო Golden Tulip Design Tbilisi ეხმიანება ბრენდის კონცეფციას და განაგრძობს სტუმარმასპინძლობის ბაზარზე ინოვაციური, ულტრათანამედროვე მიდგომების დანერგვას. ჩვენი სასტუმროს ლობი საქართველოში პირველი სივრცეა, სადაც განთავსებულია ციფრული არტის გალერეა. აქ ჩვენ მუდმივად გვაქვს NFT არტების ექსპოზიცია. რაც შეეხება ამ ახალ პროექტს, ჩვენ Enefty პლატფორმაზე ვქმნით ექსკლუზიურ კლუბს, რომლის წევრები სხვადასხვა სახის ბენეფიტს მიიღებენ ჩვენს სასტუმროში.“ - აცხადებს სასტუმროს გენერალური მენეჯერი ელენე ოთარაშვილი.

(R)

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით