ლევან ხაბეიშვილი გერმანიის ელჩს შეხვდა

„ნაციონალური მოძრაობის“ თავმჯდომარე ლევან ხაბეიშვილი გერმანიის ელჩს საქართველოში ერნსტ პეტერ ფიშერს შეხვდა.

როგორც ლევან ხაბეიშვილი სოციალურ ქსელში წერს, ელჩთან რამდენიმე საკითხზე ისაუბრა, მათ შორის, პოლიტპატიმრებზე.

„დღეს, „ერთიანი ნაციონალური მოძრაობის" ოფისში, გერმანიის ელჩს საქართველოში ერნსტ პეტერ ფიშერს შევხვდით. ვისაუბრეთ საქართველოს ევროინტეგრაციის გზაზე არსებულ პრობლემებზე, ასევე, განვიხილეთ სასამართლოში არსებული პრობლემები, პოლიტპატიმრების საკითხი და 12 რეკომენდაციის შესრულების მნიშვნელობა.

გერმანია მხარს უჭერს საქართველოს ევროინტეგრაციას და ამ გზაზე, ღია მხარდაჭერას უცხადებს საქართველოს“, - წერს ხაბეიშვილი.