სალომე სამადაშვილი - აშშ-ის სახელმწიფო დეპარტამენტის ანგარიშები წლიდან წლამდე მძიმდება და 2022 წლის ანგარიში იკითხება როგორც განაჩენი „ქართული ოცნების“ ხელისუფლებისთვის

აშშ-ის სახელმწიფო დეპარტამენტის ანგარიშები წლიდან წლამდე მძიმდება და 2022 წლის ანგარიში იკითხება როგორც განაჩენი „ქართული ოცნების“ ხელისუფლებისთვის, - ამის შესახებ პარლამენტში გამართულ ბრიფინგზე „ლელოს“ დეპუტატმა სალომე სამადაშვილმა განაცხადა.

მისივე თქმით, ანგარიში მიუთითებს რეგრესზე და შანსი იმის, რომ ქვეყანამ მიიღოს კანდიდატის სტატუსი, თუ ხელისუფლება სწრაფად არ გადადგამს ყველა საჭირო ნაბიჯს, მინიმალურია.

„შეიძლება ითქვას, რომ ეს არის მსოფლიოში ერთ-ერთი ყველაზე მნიშვნელოვანი დოკუმენტი, რომელიც აღწერს იმ რეალობას, რაც ჩვენს ქვეყანაში არსებობს. ეს ანგარიშები წლიდან წლამდე მძიმდება და 2022 წლის ანგარიში იკითხება უფრო როგორც განაჩენი „ქართული ოცნების“ ხელისუფლებისთვის, ვიდრე დასკვნა იმ მდგომარეობაზე, რაც ქვეყანაშია შექმნილი ადამიანის უფლებების კუთხით. ის მოიცავს უამრავ პრობლემას, მაგრამ ხაზგასმით გამოვყოფ რამდენიმე საკითხს, რაც უკავშირდება 12-პუნქტიან მოთხოვნას და იმ მთავარი მიმართულებებით, სადაც ევროკავშირი ელოდება პროგრესს. რაც შეეხება სასამართლო რეფორმას, ანტიკორუფციულ საქმიანობას, ადამიანის უფლებების დაცვის განმტკიცებას, ანგარიში ნათელს ხდის, რომ გვაქვს არათუ პროგრესი, არამედ რეგრესი, უკან არის გადადგმული არაერთი ნაბიჯი. ანგარიში ბევრს საუბრობს თავისუფალი მედიის უფლებების დაცვაზე და ამ თვალსაზრისით განგაშის ზარია შემოკრული გაუარესებული მდგომარეობის თვალსაზრისით. პოლიტიზებული მართლმსაჯულება, პოლიტიკური დღის წესრიგით გამოტანილი განაჩენები სასამართლოს მიერ რიგი ადამიანების წინააღმდეგ, როგორც მამუკა ხაზარაძის და ბადრი ჯაფარიძის, ასევე „ტვ პირველის“ დამფუძნებლის ავთო წერეთლის, ნიკა გვარამიას, „ფორმულას“ შესაბამისი დამფუძნებლების წინააღმდეგ მიმდინარე საქმე, ყველა ეს საქმე არის შემადგენელი კომპონენტი იმის, რომ ჩვენს ქვეყანაში არ არსებობს დამოუკიდებელი სასამართლო, არსებობს პოლიტიზებული მართლმსაჯულება და რეპრესიული რეჟიმი ყველა ძალას მიმართავს, რომ მოგუდოს თავისუფალი აზრი და მედია ჩვენ ქვეყანაში“,- განაცხადა სამადაშვილმა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო