სალომე სამადაშვილი უმრავლესობას - თქვენ რომ გქონდეთ რაიმე მორალური კომპასი, მადლობას გადაუხდიდით ბავშვებს, მაგრამ მხოლოდ ის გაიმეტეთ, რომ „ვინა ყრიხართო, ვირები ხართო“

თქვენ რომ გქონდეთ რაიმე მორალური კომპასი, ბოლომდე მოშლილი რომ არ გქონდეთ ეს კომპასი, მადლობას გადაუხდიდით ამ ბავშვებს, მაგრამ მხოლოდ ის გაიმეტეთ, რომ „ვინა ყრიხართო, ვირები ხართო“, ილიას რომ დავესესხო, - ამის შესახებ „ლელოს“ ერთ-ერთმა ლიდერმა, დეპუტატმა სალომე სამადაშვილმა საგაზაფხულო სესიის პლენარულ სხდომაზე 7-9 მარტის აქციის მონაწილე ახალგაზრდებთან დაკავშირებით განაცხადა.

სამადაშვილის შეფასებით, სწორედ ამ ახალგაზრდებმა გადაარჩინეს „ქართული ოცნება“ საკუთარი თავისგან, როდესაც ე.წ. რუსული კანონის მიღებაზე უარი ათქმევინეს.

„ჩვენ შეიძლება ვერ შევუქმნათ ის მომავალი ახალ თაობებს, რომელსაც იმსახურებენ, მაგრამ შეიძლება შევქმნათ თაობა, რომელიც ამ მომავალს თავად მოიპოვებს“ - ეს სიტყვები ამერიკის ისტორიაში ერთ-ერთ ყველაზე ცნობილ პრეზიდენტს, ფრანკლინ დელანო რუზველტს ეკუთვნის. იმ ფრანკლინს არა, რომლის სახელობის აკადემიის მოსწავლეებსაც ომი გამოუცხადა თქვენმა ხელისუფლებამ, ის სხვა ფრანკლინი იყო. მაგრამ სამწუხარო რეალობა ჩვენს ქვეყანაში არის ის, რომ, დიახ, დღევანდელ საქართველოს არ აღმოაჩნდა ის მომავალი, რომელიც ჩვენ, ჩვენს თაობას სურდა ქვეყნისთვის და დღეს დამოუკიდებლობის მოპოვებიდან 30 წლის შემდეგ, კვლავ უწევთ ქართველ ახალგაზრდებს საკუთარი ქვეყნის სუვერენიტეტისა და რუსეთის დღის წესრიგისთვის ხელის შესაშლელად ქუჩაში ბრძოლა. უკვე მეორედ „ქართული ოცნება“ საკუთარ ახალგაზრდებს უმოწყალოდ არბევს, რუსეთის დავალების შესრულების მიზნით. მე მინდა გითხრათ, თქვენ რომ გქონდათ უმრავლესობაში, ან პოლიტიკური, ან მორალური სისწორის განცდა, მიხვდებოდით, რომ იმ ახალგაზრდებმა, რომლებსაც სამარცხვინოდ ლანძღავთ და თავს ესხმით, თქვენ, მათ შორის, უმრავლესობის წევრები, გადაგარჩინათ საკუთარი თავისგან, როდესაც გაიძულეს, რომ სამარცხვინო რუსულ კანონზე მიღებული ხმა, უკან წაგეღოთ, საკუთარ შეუპოვარი ბრძოლით და დღეს მათ მადლობას უნდა უხდიდეთ. განსაკუთრებით მინდა მოგმართოთ, პარლამენტის თავმჯდომარეს, რომელიც აქ შეიყუჟა სამარცხვინოდ საკუთარ კაბინეტში და უარი განაცხადა ოპოზიციასთან შეხვედრაზე, როდესაც ამ ახალგაზრდებს აქ უმოწყალოდ არბევდნენ და როდესაც გუშინ სრულიად უხამსად შეურაცხყოფა მიაყენეთ ამ ბავშვებს“,- განაცხადა სამადაშვილმა.

მისივე თქმით, დღეს ჟურნალისტებისთვის, პაპუაშვილის მხრიდან პროფესიული დღის მილოცვა, იმ ანგარიშის გამოქვეყნების შემდეგ, რომელიც აშშ-ის სახელმწიფო დეპარტამენტმა წარმოადგინა, ცინიზმია.

„მინდა გითხრათ კიდევ ერთი რამ ბატონო შალვა, თქვენ აქ გახსენით სხდომა და მადლობა გადაუხადეთ ჟურნალისტებს და ნამდვილად მადლობას ვუხდით ჩვენ მათ თავგანწირული ბრძოლისთვის, მათ შორის, ამ ქვეყნის ევროპული მომავლისთვის. მაგრამ მაინტერესებს, წაიკითხეთ თუ არა ეს ანგარიში, რომელიც გამოსცა სახელმწიფო დეპარტამენტმა, რომელმაც მთავარ პრობლემად განსაზღვრა დამოუკიდებელი მედია, დამოუკიდებელი მედიის წინააღმდეგ მიზანმიმართული პოლიტიკა, რომელსაც თქვენი ხელისუფლება ატარებს და ხომ არ გეჩვენებათ, რომ დღეს თქვენი მხრიდან ჟურნალისტებთან მისალმება ცინიზმია იმ ყველაფრის ფონზე, რასაც თქვენი ხელისუფლება აკეთებს ქვეყანაში დამოუკიდებელი მედიის განადგურების მიზნით. დღეს თუ ვინმე საბოტაჟს ეწევა ევროკავშირის დღის წესრიგის, თქვენი ხელისუფლებაა.

მინდა კიდევ ერთხელ მოგიწოდოთ - თქვენი ხელები შორს დამოუკიდებელ საქართველოში დაბადებული დამოუკიდებელი, თავისუფალი თაობისგან და მიხედეთ თქვენს საქმეს, რაც არის ევროკავშირის მოთხოვნების შესრულება, თორემ, რაც ნახეთ, ის მოგენატრებათ, ქართული საზოგადოება ისეთ პასუხს გაგცემთ უახლოეს მომავალში“,- განაცხადა სამადაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024