როგორც ვიცი, ყველა ოპოზიციური პარტიის წარმომადგენელი იქნება ინტერპელაციაზე, სადაც პრემიერად წოდებული ღარიბაშვილი მოვა, - ამის შესახებ "სტრატეგია აღმაშენებლის" ერთ-ერთმა ლიდერმა, სერგო ჩიხლაძემ განაცხადა.

ჩიხლაძის თქმით, პარლამენტში პრემიერ-მინისტრის მოსმენას, მისი გუნდის წევრები დაესწრებიან.

"სხვა პარტიების მაგივრად ვერ ვისაუბრებ, მაგრამ მე როგორც ვიცი, ყველა ოპოზიციური პარტიის წარმომადგენელი იქნება ინტერპელაციაზე, სადაც პრემიერად წოდებული ღარიბაშვილი მოვა. რაც შეეხება "სტრატეგია აღმაშენებელს" - "სტრატეგია აღმაშენებელი" ამ შეხვედრას დაესწრება. როგორც ვიცი, პირადად, გიორგი ვაშაძეს საზღვარგარეთ ორდღიანი ვიზიტი აქვს და ფიზიკურად თბილისში არ იქნება. დანარჩენი წევრები, ჩვენი როგორც ფრაქციის ასევე, პარტიის, რა თქმა უნდა, დაესწრებიან," - განაცხადა ჩიხლაძემ.

შეგახსენებთ, საქართველოს პრემიერ-მინისტრ ირაკლი ღარიბაშვილს პარლამენტში, ინტერპელაციის წესით, 24 მარტს მოუსმენენ.