ფოთის მუნიციპალიტეტის მერიის ცნობით, ქალაქ ფოთში, დაუნის სინდრომის მსოფლიო დღე აღინიშნა.

მათივე ცნობით, გზავნილმა - „ჩვენთან ერთად და არა ჩვენთვის“ ღონისძიების ყველა მონაწილე გააერთიანა. 21 მარტის მთავარი გმირები ფერად და მხიარულ აქტივობებში ჩაერთნენ - იცინეს, იცეკვეს და ბევრი ადამიანისთვის გასცეს სითბო.

ღონისძიებას ქალაქის მერი ბექა ვაჭარაძე დაესწრო, დამსწრე აუდიტორიას მიესალმა და ბავშვებს სიმბოლური საჩუქრები გადასცა.

„დაუნის სინდრომის მსოფლიო დღეს განსაკუთრებული ემოციით აღვნიშნავთ. ჩვენი მხარდაჭერა მნიშვნელოვანია, რომ ეს განსაკუთრებული ადამიანები არ დავტოვოთ სიყვარულის, ყურადღების, განათლებისა და თანასწორ გარემოში ცხოვრების შესაძლებლობის გარეშე“, - განაცხადა ფოთის მერმა.

ქალაქ ფოთის მუნიციპალიტეტი დაუნის სინდრომის მსოფლიო დღის აღმნიშვნელ „უთვალავი ჭრელი წინდის ტრადიციას“ კიდევ ერთხელ შეუერთდა. სოციალური საწარმო „ბაბალეს“ წინდებით მხიარული ფოტოსესია შედგა.