ამბროლაურის მუნიციპალიტეტში დასუფთავების აქცია მოეწყო
ამბროლაურის მუნიციპალიტეტში, წყლის რესურსების დაცვის საერთაშორისო დღესთან დაკავშირებით, დასუფთავების აქცია მოეწყო.
ამბროლაურის მერიის ინფორმაციით, აღნიშნულ აქციაში სახელმწიფო რწმუნებულის ადმინისტრაციის, ამბროლაურის მუნიციპალიტეტის მერიისა და საკრებულოს თანამშრომლები ჩაერთნენ.
მათივე ცნობით, აქციის ფარგლებში ქ. ამბროლაურის აეროპორტის მიმდებარე ტერიტორია დასუფთავდა და დაზიანებული წიწვოვანი ნარგავების გამაგრებითი სამუშაოები განხორციელდა.
„ამბროლაურის მუნიციპალიტეტის მერიისა და საკრებულოს ჩართულობით „კრიხულას სანაპირო“ დასუფთავდა.
დასუფთავების აქცია კამპანია „ლურჯი ნაკადულის" ფარგლებში, საქართველოს მწვანეთა მოძრაობა/დედამიწის მეგობრების ინიციატივით, სახელმწიფო რწმუნებულის ადმინისტრაციისა და ადგილობრივი თვითმმართველობის ორგანიზებით ჩატარდა.
22 მარტს წყლის რესურსების დაცვის საერთაშორისო დღე გაერთიანებული ერების ორგანიზაციის გენერალური ასამბლეის გადაწყვეტილებით აღინიშნება,“ - აღნიშნულია ინფორმაციაში.
