გორის მუნიციპალიტეტში წყლის რესურსების დაცვის საერთაშორისო დღე დასუფთავების აქციებით აღინიშნა.

გორის მერიის ინფორმაციით, აქციები მუნიციპალიტეტის მასშტაბით 20-მდე ლოკაციაზე, მდინარეებისა და წყლის სხვა ობიექტების მიმდებარედ გაიმართა.

„ღონისძიებებში ჩაერთნენ საჯარო მოხელეები, მუნიციპალური ორგანიზაციები, მოსწავლეები და მოქალაქეები.

„აქტივობები „საქართველოს მწვანეთა მოძრაობა/დედამიწის მეგობრები-საქართველოს" მიერ განხორციელებული კამპანიიის „ლურჯი ნაკადულის" ფარგლებში მოეწყო.

საქართველოში სულ 26 060 მდინარე და 860 ტბაა. მტკნარი მიწისქვეშა წყლების ბუნებრივი მარაგი დაახლოებით 18 000 მლნ. მ3-ია.

წყლის რესურსების დაცვის საერთაშორისო დღე 1993 წლიდან გაერთიანებული ერების ორგანიზაციის გენერალური ასამბლეის გადაწყვეტილებით ყოველი წლის 22 მარტს აღინიშნება“, - ნათქვამია ინფორმაციაში.