„საქართველოსთვის“ - ვგმობთ და მიუღებლად მივიჩნევთ “ოცნების” ხელისუფლების მიერ წახალისებულ სიძულვილის კამპანიას - ჩვენი მოქალაქეების ერთმანეთთან დაპირისპირება ყოველთვის იქნება რუსული საქმე

პარტია “საქართველოსთვის” გმობს და მიუღებლად მიიჩნევს “ქართული ოცნების” ხელისუფლების მიერ „წახალისებულ სიძულვილის კამპანიას“. ამის შესახებ ნათქვამია „საქართველოსთვის“ განცხადებაში, რომელსაც „სოციალურ ქსელში აქვეყნებს.

განცხადების თანახმად, საქართველოს მოქალაქეების ერთმანეთთან დაპირისპირება ყოველთვის იქნება „რუსული საქმე“.

„პარტია “საქართველოსთვის” გმობს და მიუღებლად მიიჩნევს “ოცნების” ხელისუფლების მიერ წახალისებულ სიძულვილის კამპანიას, რომლის მიზანია პროცესების რადიკალიზაცია, საზოგადოების სხვადასხვა ჯგუფებს შორის დაპირისპირების და შუღლის გაღვივება, ადამიანების დისკრედიტაცია, გაშავება და ბულინგი რუსული სპეცსამსახურებისთვის დამახასიათებელი მეთოდებით, რისი გამოვლინებებიც ვიხილეთ ბოლო პერიოდში საზოგადოებრივად აქტიური პერსონებისა თუ საქართველოს პარლამენტის წევრების მიმართ. მათ შორის, გუშინ ადგილი ჰქონდა ფიზიკურ ანგარიშსწორებას და ღირსების შემლახავ კამპანიას საქართველოს პარლამენტის წევრის - ტარიელ ნაკაიძის მიმართ!

ხელისუფლება ყველაფერს უნდა აკეთებდეს საზოგადოების და ჩვენი მოქალაქეების გაერთიანებისთვის საერთო ეროვნული ამოცანების გარშემო, თუმცა, სამწუხაროდ, ვხედავთ, რომ საზოგადოებაში რადიკალიზაციის გაზრდისა და დაპირისპირების გაღვივების ავანგარდში სწორედ ხელისუფლების წარმომადგენლები დგანან!

ჩვენი მოქალაქეების ერთმანეთთან დაპირისპირება ყოველთვის იქნება რუსული საქმე!

ახლა, როგორც არასდროს, ისე გვჭირდება ერთიანობა საქართველოსთვის, ჩვენი ქვეყნის ევროპული მომავლისთვის!“,- წერია განცხადებაში.

მიხაილ როთი - შეწყვიტეთ შეთქმულების თეორიები, შეწყვიტეთ ტყუილი!
ქართული პრესის მიმოხილვა 19.09.2024
გიორგი კაჭარავა - რა უნდა რუსეთს? რუსული სცენარით კონფლიქტების „მოგვარების“  შემთხვევაში  რა „სარგებელს“ და საფრთხეებს მიიღებს საქართველო?
ახალი Lenovo Yoga Slim 7x ხელოვნური ინტელექტით
სილქნეტის სპეციალური პაკეტები სტუდენტებისთვის და მოსწავლეებისთვის