გიორგი ალადაშვილი და ალექსი ფიცხელაური ახმეტაში მიმდინარე ინფრასტრუქტურულ სამუშაოებს გაეცნენ

კახეთის სახელმწიფო რწმუნებული, გიორგი ალადაშვილი და ახმეტის მუნიციპალიტეტის მერი, ალექსი ფიცხელაური ახმეტაში მიმდინარე ინფრასტრუქტურულ სამუშაოებს ადგილზე გაეცნენ. ინფორმაციას კახეთის მხარეში სახელმწიფო რწმუნებულის ადმინისტრაცია ავრცელებს.

მათივე ცნობით, ახმეტაში, რუსთაველის ქუჩაზე ტროტუარების მოწყობის და გზის სავალი ნაწილის გაფართოების სამუშაოები აქტიურად მიმდინარეობს.

„პროექტის ფარგლებში ეზოებში შესასვლელების გათვალისწინებით, 905 გრძ. მეტრზე ასფალტო-ბეტონის ორფენიანი საფარი მოეწყობა.

სამუშაოები რეგიონებში განსახორციელებელი პროექტების ფონდიდან ფინანსდება და მისი ჯამური ღირებულება 622,176 ლარს შეადგენს.

პროექტით გათვალისწინებული სამუშაოები მიმდინარე წლის ზაფხულამდე დასრულდება“, - აღნიშნულია ინფორმაციაში.