ზუგდიდში, პროფსასწავლებლის ყოფილ შენობაში მცხოვრები აფხაზეთიდან დევნილები ნორმალური საცხოვრებელი პირობების მოთხოვნით აქციას მართავენ.

მათი განცხადებით, სამი თვეა ელექტროენერგია დღეში მხოლოდ ერთი საათით მიეწოდებათ.

აქციის მონაწილეებმა ლოგინად ჩავარდნილი მოხუცები ქუჩაში გამოიყვანეს და გზის გადაკეტვა სცადეს, რისი საშუალებაც სამართალდამცველებმა არ მისცეს.

ადგილზე საპატრულო პოლიციის თანამშრომლები იმყოფებიან.