დღეს, პარლამენტის რიგგარეშე პლენარული სესიისა და პრეზიდენტის სალომე ზურაბიშვილის ყოველწლიური მოხსენების გამო, პარლამენტის შენობაში მოქალაქეებისთვის დაშვების შეზღუდული რეჟიმი იმოქმედებს.
როგორც პარლამენტის პრესსამსახურის მიერ გავრცელებულ ინფორმაციაშია აღნიშნული, შეზღუდვა მედიის წარმომადგენლებზე არ იქნება გავრცელებული.
„31 მარტს, საქართველოს პარლამენტის სასახლეში და მიმდებარე ტერიტორიაზე უსაფრთხოების დაცვის რეჟიმის შესახებ“ საქართველოს პარლამენტის თავმჯდომარის 2016 წლის 30 დეკემბრის N259/3 ბრძანებით დადგენილი რეგულაციების შესაბამისად, იმოქმედებს პარლამენტის შენობაში დაშვების შეზღუდული რეჟიმი, გარდა მედიის წარმომადგენლებისა.
აღნიშნული ღონისძიების მიზანია, საქართველოს პარლამენტის წევრებისა და აპარატის თანამშრომლების უსაფრთხოების დაცვა და სამუშაო პირობების უზრუნველყოფა“, - ნათქვამია გავრცელებულ ინფორმაციაში.
