ხათუნა სამნიძე - კობახიძე ბედავს და საუბრობს ახალგაზრდა ადამიანის ორიენტაციაზე, ეს არის გზავნილი, რომ „ქართული ოცნება" ახალგაზრდების დისკრედიტაციაზეა ორიენტირებული

კობახიძე ბედავს და საუბრობს ახალგაზრდა ადამიანის ორიენტაციაზე, ეს არის გზავნილი, რომ "ქართული ოცნება" ახალგაზრდების დისკრედიტაციაზეა ორიენტირებული, - ამის შესახებ "რესპუბლიკური პარტიის" თავმჯდომარე ხათუნა სამნიძემ განაცხადა.

სამნიძე გამოეხმაურა 7-9 მარტის აქციების მონაწილის დაკავებას, ასევე მასთან დაკავშირებით ირაკლი კობახიძის მიერ გაკეთებულ განცხადებას და აღნიშნა, რომ ეს გზავნილი აჩვენებს იმას, რომ სამართალი არ არსებობს და ახალგაზრდების დისკრედიტაციაა მათი მიზანი.

„ქართული ოცნება" ცდილობს დისკრედიტაცია მოახდინოს ახალგაზრდა ადამიანის, კობახიძე ბედავს და საუბრობს ახალგაზრდა ადამიანის ორიენტაციაზე. ეს არის მაგალითი, გზავნილი და ნიშანი, რომ "ქართული ოცნება" სამართლიანი სასამართლოს გადაწყვეტილებებზე კი არ არის ორიენტირებული, არამედ ორიენტირებულია, რომ დისკრედიტირება მოახდინოს იმ ახალგაზრდების, ვინც ბედავს და ქვეყანაში განსხვავებულ აზრს აფიქსირებს. ეს არის მაგალითი იმისა, რომ ქვეყანაში არანაირი სამართალი არ არსებობს და "ქართული ოცნება" ცდილობს მოახდინოს ახალგაზრდების დისკრედიტაცია, ეს არის სახიფათო. ეს არის გზავნილი, რომ ამ ქვეყანაში ადამიანები განსხვავებულობის გამო დაისჯებიან“, - განაცხადა სამნიძემ.

ინფორმაციისთვის, „ქართული ოცნების“ თავმჯდომარემ, ირაკლი კობახიძემ დაკავებულთან დაკავშირებით განაცხადა, რომ „ჩანს, რომ ყველანაირი ორიენტაცია აქვს არეული და ასეთი ადამიანები ძალადობდნენ პოლიციის წინააღმდეგ." კობახიძემ მას ასევე "გზასაცდენილი" უწოდა და აღნიშნა, რომ ის დაკავშირებულია "ბოლშევიკურ ტროიკასთან" ვაშაძე- ხოშტარია- ჯაფარიძის ერთობასთან.

აქციებზე პოლიციელზე თავდასხმისა და ცეცხლის წაკიდებით სხვისი ნივთის დაზიანების ბრალდებით პოლიციამ ერთი პირი დააკავა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს