პოლიტიკური მოძრაობა „ტრიბუნას“ ლიდერი დავით ჭიჭინაძე და უზენაესი საბჭოს წევრი, დამოუკიდებლობის აქტზე ხელმომწერი, ნუგზარ შავთვალაძე ინიციატივით გამოდიან, რომ საქართველოს დამოუკიდებლობის დღედ 26 მაისის ნაცვლად, 9 აპრილი დაწესდეს.

როგორც მათ მიერ გავრცელებულ ინფორმაციაშია ნათქვამი, იმისთვის, რომ 9 აპრილს დამოუკიდებლობის დღის სტატუსი დაუბრუნდეს, პეტიციის შედგენასა და ხელმოწერების შეგროვებას გეგმავენ.

„9 აპრილი უნდა გამოცხადდეს დღევანდელი ქართული სახელმწიფოს დაბადების თარიღად. 26 მაისი კი, საქართველოს სახელმწიფოებრიობის აღდგენის დღედ. რადგან ზვიად გამსახურდიას ღვაწლის უგულვებელყოფაა საქართველოს დამოუკიდებლობის დღეს 9 აპრილს რომ არ აღვნიშნავთ.

ხოლო ის, რაც ბოლო 32 წლია ხდება, ანუ არასწორედ აღინიშნება ჩვენი დამოუკიდებლობის დღე, ეს არის გამსახურდიას შეემდეგ, ყველა ხელისუფლების მიერ ჩადენილი მორიგი დანაშაული საკუთარი ქვეყნის, საკუთარი ხალხის წინაშე.

იმიტომაც არის, რომ ჩვენი ქვეყნის უახლესი ისტორია ასე ტრაგიკულად ვითარდება...

გამოვდივართ ინიციატივით, შედგეს პეტიცია და დაიწყოს ხელმოწერების შეგროვება, იმისთვის, რომ 9 აპრილს დაუბრუნდეს დამოუკიდებლობის დღის სტატუსი“, - აღნიშნულია ინფორმაციაში.