აჭარის მთავრობის სახლთან „ნაციონალური მოძრაობის“ საპროტესტო აქცია მიმდინარეობს
აჭარის მთავრობის სახლთან „ერთიანი ნაციონალური მოძრაობის” საპროტესტო აქცია დაიწყო.
შეკრებილები აცხადებენ, რომ აღნიშნული აქცია შემაჯამებელია და 9 აპრილს, თბილისში მასშტაბური აქციისთვის ემზადებიან.
მათივე თქმით, ევროკავშირის კანდიდატის სტატუსის მოსაპოვებლად 12 პუნქტი დაუყოვნებლივ უნდა შესრულდეს და საქართველო ევროკავშირის წევრი გახდეს.
ამასთან, შეკრებილები საქართველოს მესამე პრეზიდენტის მიხეილ სააკაშვილის და ნიკა გვარამიას თავისუფლებას ითხოვენ.
აჭარის მთავრობის სახლთან, აქციის მონაწილეებმა საქართველოს, უკრაინისა და ევროკავშირის დროშები გამოფინეს.
