ლევან ხაბეიშვილი - ირაკლი ღარიბაშვილი უმძიმესი ლექსიკით საუბრობს ახალგაზრდებზე - იმ ადამიანების „ანარქისტებად“ შეფასება, ვისაც ევროკავშირი უნდათ, არ არის ნორმალური
ძალიან მძიმე პრობლემები აქვს ღარიბაშვილს, არ არის ნორმალური რა ლექსიკითაც საუბრობს. „ანარქისტებს“ ეძახის იმ ადამიანებს, ვისაც ევროკავშირი უნდა, - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა.
ამით ის გამოეხმაურა პრემიერ-მინისტრ ირაკლი ღარიბაშვილის განცხადებას, სადაც პრემიერი სამართალდამცავების წინააღმდეგ ე.წ. მოლოტოვის კოქტეილების გამოყენებაში ბრალდებულ 21 წლის ლაზარე გრიგორიადის „ანარქისტს" უწოდებს.
„ტრი-ტრი, ანტონი“ როცა მოვისმინეთ ბერას სათამაშოსგან, მაშინვე ძალიან მარტივი იყო დასკვნის გაკეთება, რომ ცოტა ფსიქიკური პრობლემები აქვს, მოძალადის ინსტინქტები აქვს „რუსული ოცნებისა“ და ამ ხელისუფლების პრემიერ - მინისტრს. ამასობაში, უმძიმესი ლექსიკით საუბრობს ახალგაზრდებზე. თითქოს, მათ პოლიციელების ცოცხლად დაწვა უნდოდათ. მგონია, რომ ძალიან მძიმე პრობლემები აქვს ღარიბაშვილს, არ არის ნორმალური რა ლექსიკითაც საუბრობს. „ანარქისტებს“ ეძახის იმ ადამიანებს, ვისაც ევროკავშირი უნდა. ვინც პუტინისტი არ არის, ვინც არ ემთხვევა რუსი პროპაგანდისტების ლექსიკას, თურმე ყველანი მკვლელები და პირსისხლიანები ყოფილან. ურთულესია ამ კაცის სერიოზულად შეფასება. ბიძინა ივანიშვილმა ფანტასტიკურად შეაფასა - რაც გინდათ, ის დაუძახეთ და ის უწოდეთ“, - განაცხადა ლევან ხაბეიშვილმა.
v-if="article.gallery" v-html="article.gallery"
