გიგი უგულავა აშშ-ის მოქალაქე ჯეიმსონ მარშალ ქომინსის საქართველოში არ შემოშვებაზე - ეს უკვე ღალატის მომაკვდინებელი ფაზაა - ესაა უკვე ბელარუსი

დღეს ივანიშვილმა ლილუაშვილის ხელით ჩაიდინა საქართველოს ისტორიაში სრულიად უპრეცედენტო რამ - პოლიტიკურად, გამიზნულად არ შემოუშვა ქვეყანაში აშშ-ს მოქალაქე - ეს უკვე ღალატის მომაკვდინებელი ფაზაა, - ასე ეხმაურება ოპოზიციონერი პოლიტიკოსი გიგი უგულავა სუს-ის ხელმძღვანელის, გრიგოლ ლილუაშვილის განცხადებას, რომელშიც მან დაადასტურა, რომ აშშ-ის მოქალაქე ჯეიმსონ მარშალ ქომინსი საქართველოში არ შემოუშვეს.

როგორც უგულავა წერს, ეს არის უკვე ბელარუსი.

„დღეს ივანიშვილმა ლილუაშვილის ხელით ჩაიდინა საქართველოს ისტორიაში სრულიად უპრეცენდენტო რამ - პოლიტიკურად, გამიზნულად არ შემოუშვა ქვეყანაში აშშ მოქალაქე. უარესი! დადგეს სპექტაკლი - ნდობის ჯგუფის შეხვედრა პარლამენტში, რის შემდეგ მარად უტყვი ლილუაშვილი პასუხობს სახელისუფლებო ტელევიზიის დასმულ შეკითხვას. ამით, თავის ჭკუით, პასუხი გასცეს აშშ გუშინდელ მოსამართლეთა კლანის დასანქცირებას.

ეს უკვე ღალატის მომაკვდინებელი ფაზაა!

ესაა უკვე ბელარუსი!“, - წერს უგულავა „ფეისბუქზე“.

სახელმწიფო უსაფრთხოების სამსახურის ხელმძღვანელის, გრიგოლ ლილუაშვილის განცხადებით, ამერიკის მოქალაქე ჯეიმსონ მარშალ ქომინსი საქართველოში არ შემოუშვეს, რადგან ჰქონდათ კონკრეტული ინფორმაცია, რომელიც ეყრდნობა „მაღალი სანდოობის წყაროებს".

„ვადასტურებ, რომ ჯეიმსონ მარშალ ქომინსი არ შემოვიდა საქართველოში ჩვენი გადაწყვეტილების საფუძველზე. აკერმანი ცოცხალი აღარ არის, დააყენეთ ის კაცი, შეიძლება ქომინსი უარეს საქმიანობასაც ეწეოდა. ვადასტურებ, რომ არის კონკრეტული ინფორმაციები, რომელიც ეყრდნობა მაღალი სანდოობის წყაროებს. აშშ-ის საელჩო არ დაგვკავშირებია რატომ არ შემოვუშვით, ალბათ მიზეზი თავადაც კარგად იციან. აკერმანიც რომ ცოცხალი ყოფილიყო და შემოსულიყო, არ შემოვუშვებდით, მას შემდეგ რაც მხილებული იყო იმაში, რა საქმიანობითაც იყო დაკავებული“, - განაცხადა ლილუაშვილმა.

მისივე თქმით, ვერ იტყვის სანქციები პირდაპირ კავშირშია თუ არა მის არ შემოშვებასთან და აღნიშნა, რომ ეს ამერიკულ მხარეს უნდა ვკითხოთ, თუმცა, ეს კავშირი არ გამორიცხა.

„შეიძლება კავშირი არსებობს კიდეც, შეიძლება არ არსებობს, ეს უნდა კითხოთ იმ მხარეს, ვინც სანქციები დააკისრა კონკრეტულ პირებს", - განაცხადა ლილუაშვილმა.

სუს-ის ხელმძღვანელის თქმით, ჯეიმსონ მარშალ ქომინსის "საქმიანობა დაკავშირებული იყო 7-8 მარტის აქციებზე დესტრუქციულად განწყობილი ჯგუფების დატრეინინგებასთან, მითითების გაცემასთან და ა.შ.".

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო