აჭარაში კათოლიკეები აღდგომას ზეიმობენ
კათოლიკური ეკლესია დღეს უდიდეს ქრისტიანულ დღესასწაულს, მაცხოვრის მკვდრეთით აღდგომას ზეიმობს.
აღდგომას აღნიშნავს ბათუმში მცხოვრები კათოლიკე მრევლიც.
რელიგიის საკითხთა სახელმწიფო სააგენტოს ინფორმაციით, სააღდგომო ლიტურგია ბათუმის ლათინ კათოლიკეთა სამოციქულო ეკლესიაში გაიმართა. საზეიმო წირვას მღვდელი გაბრიელე ბრაგანტინი უძღვებოდა.
ეკლესიაში შეკრებილ მრევლსა და სასულიერო პირებს, საქართველოს მთავრობის სახელით, ქრისტეს ბრწყინვალე აღდგომა მიულოცა რელიგიის საკითხთა სახელმწიფო სააგენტოს კოორდინატორმა აჭარაში, აბესალომ ასლანიძემ.
