გიორგი ალადაშვილმა ადგილობრივი ხელისუფლების წარმომადგენლებთან ერთად თელავში, 9 აპრილის მემორიალი ყვავილებით შეამკო
თელავში, 9 აპრილის მემორიალი კახეთის სახელმწიფო რწმუნებულმა გიორგი ალადაშვილმა, საკრებულოს თავმჯდომარემ თენგიზ მთვარელიშვილმა, მერის მოადგილეებმა - ნიკოლოზ მეტრეველმა, ფიქრია ყუშიტაშვილმა, თელავის უნივერსიტეტის რექტორმა შალვა ჭკადუამ, უნივერისტეტის აკადემიურმა პერსონალმა სტუდენტებთან ერთად, ყვავილებით შეამკეს და 9 აპრილის ღამეს გარდაცვლილთა ხსოვნას პატივი მიაგეს.
ინფორმაციას კახეთის სახელმწიფო რწმუნებულის ადმინისტრაცია ავრცელებს. "1989 წლის 9 აპრილის ტრაგედიიდან 34 წელი გავიდა. დღეს, ვიხსენებთ თავისუფლების იდეის გარშემო გაერთიანებულ ქართველ მამულიშვილებს, მათ ღვაწლს და თავგანწირვას უკვალოდ არ ჩაუვლია. 9 აპრილის მოვლენებმა საფუძველი დაუდო უდიდეს ისტორიულ მოვლენას, ჩვენმა ქვეყანამ მოიპოვა თავისუფლება. 9 აპრილის შემოქმედებს სამაგალითო პატივს მიაგებს ისტორია და შთამომავლობა. სწორედ ამისი ნათელი დადასტურებაა, რომ დღეს, 34 წლის შემდეგ, მთელი ქვეყნის მასშტაბით პატივს მივაგებთ და მადლიერებას გამოვხატავთ 9 აპრილის გმირების მიმართ",-აღნიშნა გიორგი ალადაშვილმა.
v-if="article.gallery" v-html="article.gallery"
