გარდაბნის მუნიციპალიტეტის მერმა დავით კარგარეთელმა, საკრებულოს თავმჯდომარე მიხეილ გედეხაურმა, პარლამენტის წევრმა სავალან მირზოევმა და ადგილობრივი ხელისუფლების წარმომადგენლებმა 1989 წლის 9 აპრილს დაღუპულთა მემორიალი ყვავილებით შეამკეს და მათ ხსოვნას პატივი მიაგეს. ინფორმაციას გარდაბნის მერია ავრცელებს.

მათივე ცნობით, გარდაცვლილი გმირების სულების მოსახსენიებელი პარაკლისი აღევლინა.

„დღეს ჩვენ ვიხსენებთ იმ გმირებს, რომლებმაც ჩვენი სამშობლოს თავისუფლებისთვის სიცოცხლე გაწირეს. მათი თავდადება ნათელი მაგალითია, თუ როგორ უნდა გიყვარდეს სამშობლო. 1989 წლის 9 აპრილს თავისუფლებისთვის დაწყებული ბრძოლა, 1991 წლის 9 აპრილს დამოუკიდებლობის აღდგენის აქტის მიღებით დასრულდა", - განაცხადა დავით კარგარეთელმა.

მერიის ცნობითვე, გარდაბნის კულტურისა და ხელოვნების ცენტრის ორგანიზებით, ამ დღისადმი მიძღვნილი ღონისძიება გაიმართა, რომელშიც ადგილობრივმა ფოლკლორულმა ანსამბლებმა მიიღეს მონაწილეობა.