გორის შესასვლელთან ავტოსაგზაო შემთხვევის შედეგად ორი ადამიანი დაშავდა. ერთმანეთს პიკაპის ტიპის და მსუბუქი ავტომობილი შეეჯახა.

დაშავებულები სამხედრო ჰოსპიტალში გადაიყვანეს.

ექიმის განცხადებით, დაშავებულთაგან ერთის მდგომარეობა სტაბილურად მძიმეა, ხოლო მეორე პირს უტარდება შესაბამისი კვლევები.

,,ჰოსპიტალში შემოყვანილია ავტოსაგზაო შემთხვევის შედეგად დაშავებული ორი პირი - ქალი და მამაკაცი. ქალს აღენიშნებოდა თავის ტრავმა, შუბლის მიდამოში ნახეთქი ჭრილობა და ასევე ზედა კიდურის ტრავმა, მისი მდგომარეობა სტაბილურად მძიმეა. მამაკაცს ზედაპირული დაზიანებები არ აღენიშნებოდა, უტარდება კლინიკო-ლაბორატორიული დიაგნოსტიკური კვლევები. კვლევების დასრულების შემდეგ განისაზღვრება ორივე პაციენტის მკურნალობის ტაქტიკა“, - აღნიშნა სამხედრო ჰოსპიტლის გადაუდებელი დახმარების განყოფილების ხელმძღვანელმა იგორ გეორგიანმა.

შემთხვევის ადგილზე სამართალდამცველები მუშაობენ. მომხდარზე დაწყებულია გამოძიება.