კახეთის სახელმწიფო რწმუნებულმა, გიორგი ალადაშვილმა და ახმეტის მუნიციპალიტეტის მერმა, ალექსი ფიცხელაურმა თუშეთში მუდმივად მცხოვრებს მოსახლეობას სააღდგომო ნობათები გადასცეს და აღდგომის ბრწყინვალე დღესასწაული მიულოცეს. ინფორმაციას კახეთის სახელმწიფო რწმუნებულის ადმინისტრაცია ავრცელებს.

„შინაგან საქმეთა სამინისტროს სასაზღვრო პოლიციის ვერტმფრენით, თუშეთის მიმართულებით, მორიგი ავიარეისი შესრულდა.

კახეთის სახელმწიფო რწმუნებულმა, გიორგი ალადაშვილმა და ახმეტის მუნიციპალიტეტის მერმა, ალექსი ფიცხელაურმა თუშეთში მუდმივად მცხოვრები მოსახლეობა მოინახულეს, სააღდგომო ნობათები გადასცეს და აღდგომის ბრწყინვალე დღესასწაული მიულოცეს.

დღეის მდგომარეობით, თუშეთში 23 მუდმივად მცხოვრები მოქალაქეა. თუშეთთან დამაკავშირებელი ერთადერთი საავტომობილო გზა 6 თვის განმავლობაში დაკეტილია. მთაში მუდმივად მცხოვრებ მოქალაქეებს სასაზღვრო პოლიციის ვერტმფრენი ემსახურება, ვერტმფრენი მოქალაქეების ბარიდან მთაში და მთიდან ბარში გადაყვანას უფასოდ უზრუნველყოფს“, - აღნიშნულია გავრცელებულ ინფორმაციაში.