აჭარის მთავრობის თავმჯდომარემ თორნიკე რიჟვაძემ მუსლიმ მრევლს რამადან ბაირამის დღესასწაული მიულოცა.

აჭარის მთავრობის ცნობით, ბათუმის ცენტრალურ მეჩეთში რამადან ბაირამთან დაკავშირებით სადღესასწაულო ლოცვა შესრულდა.

მათივე ინფორმაციით, სადღესასწაულო ლოცვას აჭარის მთავრობისა და უმაღლესი საბჭოს წევრები, ასევე, ბათუმის მუნიციპალიტეტის წარმომადგენლები დაესწრნენ.

„გილოცავთ რამადან–ბაირამს, დღესასწაულს რომელიც სიყვარულს, ურთიერთმიტევებას, თანადგომას უკავშირდება.

ჩვენი მრავალსაუკუნოვანი ურთიერთობით, ტრადიციებისა და რწმენის პატივისცემით, ვაძლიერებთ ერთმანეთს, ვაძლიერებთ ჩვენს ქვეყანას!

მშვიდობას და კეთილდღეობას გისურვებთ“, - განაცხადა თორნიკე რიჟვაძემ.