ხელვაჩაურის მუნიციპალიტეტის სოფელ განთიადში მკვლელობა მოხდა. ადგილობრივების ინფორმაციით, მოკლულიც და დანაშაულის სავარაუდო ჩამდენიც მოლდოვის მოქალაქეები არიან.

მათივე განმარტებით, ორივე მათგანი სოფელ განთიადში, ერთ-ერთ საცხოვრებელ სახლში სარემონტო სამუშაოებს აწარმოებდა.

როგორც ადგილობრივები ჰყვებიან, ერთმა მეორეს თავში სასიკვდილო ტრავმა მძიმე საგნით მიაყენა.

50 წლამდე მამაკაცი ადგილზე გარდაიცვალა. სავარაუდო ეჭვმიტანილი სამართალდამცავებმა უკვე დააკავეს.

მომხდართან დაკავშირებით გამოძიება მიმდინარეობს.