ბათუმის მერიამ მოსახლეობას ბათუმობა მიულოცა და 29 აპრილს მრავალფეროვანი ღონისძიებები დააანონსა.

როგორც ბათუმის მერიის ინფორმაციაშია აღნიშნული, დღესასწაული „ბათუმობა 2023“ 21:00 საათზე საზეიმო გალაკონცერტითა და გრანდიოზული ფეიერვერკით დასრულდება.

„საზაფხულო თეატრისა და ბულვარის კოლონადების მიმდებარედ, მთელი დღის განმავლობაში საბავშვო და სპორტული აქტივობები, კულტურული ღონისძიებები, კლასიკური, თანამედროვე და ქართული ფოლკლორის კონცერტები, გამოფენები, ბათუმში და ბათუმზე გადაღებული ფილმების კადრების ჩვენება, ანიმატორების წარმოდგენა და ქართული კერძების დაგემოვნება გაიმართება.

ასევე, 13:00 საათზე, „საპატიო ბათუმელის“ წოდების მინიჭების ცერემონია ჩატარდება, 19:00 საათზე კი მიუზიკლს „და აი ჩვენ აქ ვართ Mamma Mia” იხილავთ“, - აღნიშნულია ინფორმაციაში.