ბათუმში, ექიმების ნაწილმა აქონდროპლაზიის დიაგნოზის მქონე ბავშვების მშობლებს სოლიდარობა გამოუცხადა.

მათ საპროტესტო აქცია, ევროპის მოედანზე გამართეს.

შეკრებილები ხელისუფლებას მიმართავენ, 16 ბავშვისთვის საჭირო მედიკამენტი ხელმისაწვდომი იყოს.

“სოლიდარობას ვუცხადებთ, აქონდროპლაზიის სინდრომის მქონე ბავშვების დედებს, რომლებიც შვილების ჯანმრთელობისთვის იბრძვიან. ბავშვებს ჯანმრთელობა და ღირსეული მომავალი სურთ. მოვითხოვთ, რომ ეს მედიკამენტი ჩვენს ქვეყანაში ხელმისაწვდომი და ოფიციალურად დარეგისტრირებული იყოს, 16-ვე ბავშვი უზრუნველყოფილი იყოს მედიკამენტით”, - განაცხადა მზია ქედელიძემ.