ხათუნა სამნიძე - საერთაშორისო პარტნიორებმა ძალიან კარგად იციან, რა ხდება ქვეყნის შიგნით - ცალკე მესიჯები შიდა მოხმარებისთვის და სხვა ტიპის მესიჯები საერთაშორისო დონეზე, არ მუშაობს

საერთაშორისო პარტნიორებმა ძალიან კარგად იციან, რა ხდება ქვეყნის შიგნით - 21-ე საუკუნეში ვართ და ცალკე მესიჯები შიდა მოხმარებისთვის და საერთაშორისო დონეზე სხვა ტიპის მესიჯები არ მუშაობს! - ამის შესახებ ოპოზიციონერმა დეპუტატმა ხათუნა სამნიძემ პრემიერის ევროპაში ვიზიტის შეფასებისას განაცხადა.

როგორც სამნიძემ ამ კონტექსტში აღნიშნა, „ქართული ოცნება“ ქვეყნის შიგნით რუსულ კამპანიას აწარმოებს და პარტნიორებს ანტიდასავლური გზავნილებით ესხმის თავს, მაშინ როდესაც „ქართულ ოცნებას“ საერთაშორისო ვიზიტების დროს სწორი გზავნილები და სწორი გადაწყვეტილებები აქვს მიღებული.

„როდესაც „ქართული ოცნება“ მკვეთრად ანტიდასავლურ კამპანიას ეწევა და შიდა აუდიტორიასთან, საკუთარ ამომრჩეველთან კრემლის მსგავსი გზავნილებით წარდგება, ეს ჩვენმა პარტნიორებმა იციან. შეკითხვები არსებობს და „ქართულ ოცნებას“ ვურჩევდი საკუთარი მესიჯები აკონტროლოს როგორც ქვეყნის შიგნით, ასევე ქვეყნის გარეთ. რატომღაც აქვთ ილუზია იმისა, რომ პარტნიორებმა არ იციან, რა ხდება ქვეყნის შიგნით. სწორედ ამიტომ ჩვენი პარტნიორები ღიად ამბობენ, რომ ერთია 12 პუნქტის შესრულება და მეორეა ქვეყნის შიგნით მიმდინარე პოლიტიკური პროცესი“, - განაცხადა ხათუნა სამნიძემ.

მისივე თქმით, როდესაც სახელმწიფო 12 პუნქტთან და ასევე, მოსამართლეებთან დაკავშირებულ სანქციებზე რეაგირებას მოახდენს, პარტნიორები დაინახავენ, რომ ხელისუფლება მზად არის გამოწვევებს ადეკვატურად უპასუხოს.

„12 პუნქტში წერია სასამართლო რეფორმის შესახებ. ცოტა ხნის წინ აშშ-მ ოთხ მოსამართლეს სანქცია დაუწესა. ამაზე სახელმწიფოს რეაგირება უნდა ჰქონდეს. როდესაც საპარლამენტო სივრცეში არის საგამოძიებო კომისიის შექმნის იდეა, რათა ამ პროცესებს ნათელი მოვფინოთ ამას „ქართული ოცნება“ ყველა კანონის დარღვევით ხელს არ უნდა უშლიდეს", - განაცხადა სამნიძემ.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას