ბაკურიანის განვითარების სააგენტოს თავმჯდომარემ ბორჯომის მუნიციპალიტეტის საკრებულოს ანგარიში წარუდგინა
ბაკურიანის განვითარების სააგენტოს თავმჯდომარემ, ეკატერინე ორჯონიკიძემ ბორჯომის მუნიციპალიტეტის საკრებულოს ანგარიში წარუდგინა.
ეკატერინე ორჯონიკიძემ 2022-2023 წლის ზამთრის სეზონის განმავლობაში სააგენტოს მიერ გაწეული საქმიანობა შეაჯამა. მან ყურადღება გაამახვილა მსოფლიო ჩემპიონატის ბაკურიანში ჩატარების მნიშვნელობაზე და აღნიშნა, რომ კურორტმა ღირსეულად უმასპინძლა ჩემპიონატს, რაც განპირობებული იყო სააგენტოს სამსახურების თავდაუზოგავი შრომითა და პროფესიონალიზმით.
სააგენტოს თავმჯდომარემ ასევე ბაკურიანში არსებულ გამოწვევებსა და სააგენტოს იმ ინიციატივებზე ისაუბრა, რომელთა განხორციელებაც მნიშვნელოვან ცვლილებებს მოიტანს დაბისათვის.
სააგენტოს ხელმძღვანელის ანგარიშს ბორჯომის მუნიციპალიტეტის საკრებულოს თავმჯდომარე, საკრებულოს წევრები და ბორჯომის მუნიციპალიტეტის მერი ესწრებოდნენ.
აღნიშნულ ინფორმაციას ბაკურიანის განვითარების სააგენტო ავრცელებს.
