პროექტის „საერთაშორისო ფესტივალებისა და მასტერკლასების ხელშეწყობა” გამარჯვებულები გამოვლინდნენ, რომელთა შორისაა გორის უნივერსიტეტის ფესტივალი „მაჩაბელი“

საქართველოს კულტურის, სპორტისა და ახალგაზრდულ საქმეთა სამინისტრომ კონკურსის „საერთაშორისო ფესტივალებისა და მასტერკლასების ხელშეწყობა (კინო, თეატრი, ფოტო, ანიმაცია, თანამედროვე მუსიკა)“ გამარჯვებული პროექტები გამოავლინა, მათ შორისაა, ხელოვნების საერთაშორისო ფესტივალი „მაჩაბელი“, რომელსაც სსიპ გორის სახელმწიფო უნივერსიტეტი ახორციელებს. ამის შესახებ ინფორმაციას გორის სახელმწიფო უნივერსიტეტი ავრცელებს.

მათი ცნობით, ხელოვნების საერთაშორისო ფესტივალის „მაჩაბელი“ მიზანია, ხელი შეუწყოს როგორც ქვეყნის, ისე საერთაშორისო მასშტაბით ფოტოგრაფიისა და ფოტო ხელოვნების მიმართ ინტერესის გაღვივებას, მხატვრობაში ახალი სახეების აღმოჩენას, ახალგაზრდობის ჩართულობას და მათ შემოქმედებით გააქტიურებას.

ამავე ცნობით, აღნიშნული ფესტივალი მეორედ გაიმართება, გასულ წელს გორის სახელმწიფო უნივერსიტეტმა წარმატებით განახორციელა ხელოვნების საერთაშორისო ფესტივალი.

"აღნიშნული პროექტის განხორციელებით და შესაბამისად, ხელოვნების დარგების პოპულარიზაციის გზით მრავალფეროვანი გახდება საოკუპაციო ხაზთან არსებული რეგიონის კულტურულ-შემოქმედებითი ცხოვრება და გაიზრდება ქვეყნის ცნობადობა.

პროექტი მოიცავს რიგ ეტაპებს, მათ შორის საერთაშორისო ახალგაზრდული ფოტო-კონკურსის ორგანიზებას თემაზე: „ახალგაზრდა ხელოვანები მშვიდობისათვის“, სადაც ჩაერთვებიან ქართველი, პოლონელი, თურქი, გერმანელი და ფრანგი ახალგაზრდა ფოტოგრაფები და ფოტო ხელოვანები. მოწვეული ხელოვანები ფესტივალის ფარგლებში ჩაატარებენ მასტერკლასებს და ასევე, მონაწილეობას მიიღებენ საერთაშორისო ახალგაზრდული ფოტო-კონკურსის გამარჯვებულების გამოვლენაში.

გორის სახელმწიფო უნივერსიტეტი მადლობას უცხადებს საქართველოს კულტურის, სპორტისა და ახალგაზრდულ საქმეთა სამინისტროს მხარდაჭერისთვის“,- ნათქვამია ინფორმაციაში.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას