არჩილ თალაკვაძე - ჩვენ, რა თქმა უნდა, სასამართლოს დავიცავთ - საგამოძიებო კომისიის შექმნის ინიციატივას მხარი არ დავუჭირეთ და არ დავუჭერთ!
ჩვენ, რა თქმა უნდა, სასამართლოს დავიცავთ - საგამოძიებო კომისიის შექმნის ინიციატივას მხარი არ დავუჭირეთ და არ დავუჭერთ! - ეს განცხადება დღეს პარლამენტში ვიცე-სპიკერმა არჩილ თალაკვაძემ გააკეთა.
თალაკვაძის შეფასებით, სასამართლოსთან დაკავშირებით დროებითი საგამოძიებო კომისიის შექმნის ინიციატივით კოლექტიურ „ნაციონალურ მოძრაობას“ სასამართლოს გასამართლება უნდა, რაც მისივე თქმით, ნებისმიერი დემოკრატიული სახელმწიფოსთვის მიუღებელია.
„პარლამენტის საგამოძიებო კომისიის შექმნის ინიციატივას სამი მიზეზი აქვს. პირველი, ეს არის ევრორეკომენდაციების შესრულების პროცესში სასამართლო ხელისუფლების დისკრედიტაცია და ამ გზით კანდიდატის სტატუსის დაბლოკვა. მეორე მიზეზია ის, რომ სურთ შური იძიონ იმ სასამართლოსა და მოსამართლეებზე, ვინც მათი ლიდერები გაასამართლა. მესამე - სურთ სასამართლოს დამოუკიდებლობაში ჩარევა, რათა სასამართლოზე გარკვეული გავლენა დაიბრუნონ“, - განაცხადა თალაკვაძემ.
v-if="article.gallery" v-html="article.gallery"
