ტყიბულში საკრებულოს შუალედური არჩევნები მიმდინარეობს. ქალაქში 4 საარჩევნოა უბანია გახსნილი, სადაც 5650 ამომრჩეველია რეგისტრირებული.

არჩევნებში 2 კანდიდატი მონაწილეობს, „ქართული ოცნება დემოკრატიული საქართველოდან“ გიორგი კერესელიძე და საინიციატივო ჯგუფის მიერ წარდგენილი დამოუკიდებელი კანდიდატი გიორგი გაგოშიძე.

ტყიბულის საოლქო საარჩევნო კომისიის ინფორმაციით, ქალაქში საარჩევნო უბნები 06:45 საათზე გაიხსნა და ამ დროისთვის ყველა უბანზე ელექტრონულად ხმის მიცემა უპრობლემოდ მიმდინარეობს.