„მრავალეროვანი საქართველოს“ ორგანიზებით, ახალქალაქსა და ნინოწმინდას საქართველოში აკრედიტებული დიპლომატიური მისიების ხელმძღვანელები ესტუმრნენ
საერთო-სამოქალაქო მოძრაობა „მრავალეროვანი საქართველოს“ ორგანიზებით, ახალქალაქსა და ნინოწმინდას საქართველოში აკრედიტებული დიპლომატიური მისიების ხელმძღვანელები ესტუმრნენ.
„მრავალეროვანი საქართველოს“ ინფორმაციით, ვიზიტის ფარგლებში, დიპლომატები შეხვდნენ ადგილობრივი არასამთავრობო ორგანიზაციებისა და მედიის წარმომადგენლებს. შეხვედრები გაიმართა ადგილობრივი თვითმმართველობების ხელმძღვანელებთანაც.
„ახალციხისა და ნინოწმინდის Serec-ის ოფისებში, ელჩებთან გამართულ შეხვედრაზე ისაუბრეს როგორც ქვეყანაში ეთნიკურ უმცირესობათა წინაშე არსებულ გამოწვევებსა და საჭიროებებზე, ისე სამომავლო გეგმებზე, პერსპექტივებსა და თანამშრომლობაზე, მათ შორის ტურიზმის განვითრებისა და სხვადასხვა საგრანტო პროგრამების ჩართულობის ფარგლებში.
"მრავალეროვანი საქართველოს" ხელმძღვანელმა არნოლდ სტეფანიანმა სტუმრებს გააცნო ორგანიზაციის მიმდინარე პროექტები და საქმიანობის შედეგები მუნიციპალიტეტები. დასასრულს კი მადლობა გადაუხადა სტუმრებს: ლიეტუვის ელჩს საქართველოში ანდრიუს კალინდრას, ლატვიის ელჩს საქართველოში ედიტ მედნის, ესტონეთის ელჩს საქართველოში ლიინა კალიურანდს, ასევე დანიის ელჩს საქართველოში ანე ტოფტ სორენსენს და ნორვეგიის ელჩის მოვალეობის შემსრულებელს საქართველოში მარკო სოლდიკს გულისხმიერებისა და თანამშრომლობისათვის”, - აღნიშნულია ინფორმაციაში, რომელსაც „მრავალეროვანი საქართველო“ ავრცელებს.
