კახა კალაძე მიხეილ სააკაშვილზე - ეს ადამიანი თვითდაზიანების რეჟიმში იმყოფება, არ იკვებება, არ იღებს შესაბამის კალორაჟს, ამ ყველაფერში ხელს უწყობს მისი ოჯახი
თბილისის მერის კახა კალაძის განცხადებით, საქართველოს მესამე პრეზიდენტი მიხეილ სააკაშვილი თვითდაზიანების რეჟიმშია გადასული.
როგორც მან ჟურნალისტებს განუცხადა, მის ამ თვითდაზიანებას, მისი ოჯახის წევრებიც უწყობენ ხელს.
„ის კამპანია გრძელდება, რაც პირველივე დღიდან იყო დაგეგმილი. ეს ადამიანი თვითდაზიანების რეჟიმში იმყოფება, არ იკვებება, არ იღებს შესაბამის კალორაჟს. ამ ყველაფერში, პირველ რიგში, ხელს უწყობს მისი ოჯახი და გარშემომყოფი ადამიანები. მიუხედავად იმისა, რომ სახელმწიფო ყველაფერს აკეთებს ხელი შეუწყოს ამ ადამიანს, რომ მიიღოს შესაბამისი საკვები, შესაბამისი კალორაჟი, ეს ადამიანი გახლავთ თვითდაზიანების რეჟიმში“, - განაცხადა კახა კალაძემ.
