ქვემო ქართლში სახელმწიფო რწმუნებულმა გიორგი დოხტურიშვილმა ბოლნისის მუნიციპალიტეტის მერთან, დავით შერაზადიშვილთან ერთად საგზაო ინფრასტრუქტურული პროექტი დაათვალიერა.

როგორც ქვემო ქართლის სახელმწიფო რწმუნებულის ადმინისტრაციის მიერ გავრცელებულ ინფორმაციაშია ნათქვამი, ბოლნისში, აღმაშენებლის ქუჩაზე, უკვე დასრულდა 9 მრავალსართულიანი ბინის ეზოში ასფალტის საფარის დაგება და მიმდინარეობს კიდევ 3 მრავალსარულიანი ბინის ეზოს მოწყობის სამუშაოები.

„პროექტის ფარგლებში: მოეწყო ასფალტ-ბეტონის 11 803 მ² საფარი; ეზოებში დამონტაჟდა გარე განათება. შიდა ეზოების სარეაბილიტაციო სამუშაოების დასრულების შემდგომ მნიშვნელოვნად გაუმჯობესდება მუნიციპალიტეტის საგზაო ინფრასტრუქტურული მდგომარეობა. პროექტები ფინანსდება როგორც ადგილობრივი, ისე ცენტრალური ბიუჯეტიდან და ღირებულება ჯამში 1 571 900 ლარს შეადგენს.

ქვემო ქართლში სახელმწიფო რწმუნებულთან ერთად სამუშაოები მისმა მოადგილემ, ილია ჯალაღანიამ, ბოლნისის მუნიციპალიტეტის მერმა, დავით შერაზადიშვილმა, მერის მოადგილემ ბუბა გობეჯიშვილმა და ადგილობრივი ხელისუფლების წარმომადგენლებმა დაათვალიერეს“,- ნათქვამია გავრცელებულ ინფორმაციაში.