ქუთაისში „ქუთაისქალაქობა 2023“ აღინიშნა

ქუთაისში „ქუთაისქალაქობა 2023“ აღინიშნა. სადღესასწაულო პროგრამის ფარგლებში, მთელი დღის მანძილზე მიმდინარეობდა მრავალფეროვანი ღონისძიებები. ამის შესახებ ინფორმაციას ქუთაისის მერია ავრცელებს.

მათივე ცნობით, ქალაქის დღის საზეიმო აღნიშვნა, ტრადიციულად, ბაგრატის ტაძრიდან დაიწყო, სადაც სასულიერო პირებმა ქუთაისი დალოცეს.

ადგილობრივი ხელისუფლების პირველმა პირებმა პატივი მიაგეს სამი ოთარის - ოთარ სულაბერიძის, ოთარ მამფორიას და ოთარ ქორქიას ხსოვნას.

ქუთაისის საერთაშორისო უნივერსიტეტში გაიმართა ქუთაისთან დაძმობილებული ქალაქების ოფიციალური დელეგაციების მიღება.

აკაკი წერეთლის სახელმწიფო უნივერსიტეტის მულტიფუნქციურ ცენტრში გაიხსნა საერთაშორისო გამოფენა "ქარავან არტ ფორუმი" .

როგორც ქუთაისის მერიაში აცხადებენ, ქალაქის ცენტრალურ მოედანზე და ბულვარში მთელი დღის განმავლობაში მიმდინარეობდა გამოფენა- გაყიდვები, კონცერტები, სპორტული და საბავშვო აქტივობები.

მესხიშვილის თეატრში გაიმართა საპატიო ქუთაისელების დაჯილდოება და თბილისის სიმფონიური ორკესტრის კონცერტი ვახტანგ კახიძის დირიჟორობით.

„ქუთაისქალაქობა 2023“ უეფას 21 წლამდე ჩემპიონატის თასის წარდგენით და თბილისის ბიგ ბენდის გალა-კონცერტით დასრულდა.

"დღესასწაული "ქუთაისქალაქობა 2023" შედგა. საინტერესო , ემოციური და მრავალფეროვანი ღონისძიებებით აღვნიშნეთ ეს დღე, უამრავ სტუმარს ვუმასპინძლეთ.

მადლობა მინდა ვუთხრა ყველას, ვინც თავის წვლილი შეიტანა "ქუთაისქალაქობის" ღირსეულად აღნიშვნაში“, - განაცხადა ქუთაისის მერმა იოსებ ხახალეიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი