ცაიშში, გოგებაშვილის ქუჩაზე, ახალი გზის მოწყობის სამუშაოები მიმდინარეობს
ცაიშში, გოგებაშვილის ქუჩაზე, ახალი გზის მოწყობის სამუშაოები მიმდინარეობს.
ზუგდიდის მერიის ინფორმაციით, მიმდინარე სამუშაოებს ზუგდიდის მუნიციპალიტეტის მერის მოადგილე ბესიკ ჭეჟია, ინფრასტრუქტურული პროექტების მართვის და არქიტექტურის სამსახურის უფროს თემურ ჯიქიასთან ერთად გაეცნო.
უწყების ცნობით, გოგებაშვილის ქუჩაზე იგება ბეტონის საფარი, გზასთან ერთად ეწყობა სანიაღვრე არხები.
„პროექტის ღირებულება 292 840 ლარია და ის საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება.
აღნიშნული გზა რეაბილიტირებული არასდროს ყოფილა.
ცნობისთვის, ცაიშში, მეუნარგიას ქუჩაზე, ეკლესიისკენ მიმავალი გზის რეაბილიტაციაც მიმდინარეობს“, - აღნიშნულია ინფორმაციაში.
