დავით გაბაიძე - დღეს გენიალურ ქართველ პოეტს, ჩვენი კუთხის საამაყო შვილს, არაერთი პოეტური შედევრის ავტორს, ზურაბ გორგილაძეს 86 წელი შეუსრულდებოდა
აჭარის უმაღლესი საბჭოს თავმჯდომარე დავით გაბაიძე პოეტ ზურაბ გორგილაძის 86 წლის იუბილესთან დაკავშირებით, ხელისუფლების, მწერალთა ეროვნული კავშირის აჭარის ორგანიზაციისა და საზოგადოების წარმომადგენლებთან ერთად პოეტის საფლავზე მივიდა. ამის შესახებ ინფორმაციას აჭარის უმაღლესი საბჭო ავრცელებს.
დავით გაბაიძის განცხადებით, ზურაბ გორგილაძის გამორჩეული პოეზია ეროვნული საგანძურია.
„გენიალურ ქართველ პოეტს, ჩვენი კუთხის საამაყო შვილს, არაერთი პოეტური შედევრის ავტორს, ზურაბ გორგილაძეს 86 წელი შეუსრულდებოდა. მისი გამორჩეული პოეზია ეროვნული საგანძურია. სიტყვაკაზმული ლექსები, რომელიც ძირძველი ქართული დიალექტითაა გამთბარი, დღესაც აღაფრთოვანებს პოეზიის მოყვარულებს და თაობებს გადაეცემა“, - აღნიშნა დავით გაბაიძემ.
