შავი ზღვის საერთაშორისო უნივერსიტეტმა მე-13 საერთაშორისო კვლევით კონფერენციას უმასპინძლა

შავი ზღვის საერთაშორისო უნივერსიტეტის განათლების, ჰუმანიტარული და სოციალური მეცნიერებების სკოლის ორგანიზებით განათლების, ენისა და ლიტერატურის საკითხებზე მე-13 საერთაშორისო კვლევითი კონფერენცია ჩატარდა.

შავი ზღვის საერთაშორისო უნივერსიტეტის ინფორმაციით, ორდღიან კონფერენციაზე წარმოდგენილი სხვადასხვა თემატიკის ნაშრომები ეხებოდა განათლებას, განათლების ისტორიას, განათლების ფსიქოლოგიას, სასწავლო გარემოს მართვას, განათლების ლიდერობას, მენეჯმენტს და ადმინისტრირებას, უცხოური სწავლების მეთოდებს, საკომუნიკაციო ტექნოლოგიების გამოყენებას სწავლა-სწავლების პროცესში, ანგლო-ამერიკულ ენათმეცნიერებას, კულტურასა და ლიტერატურას.

„ყოველწლიური კონფერენცია მიზნად ისახავს, ხელი შეუწყოს მკვლევრებს, პრაქტიკოსებს, პოლიტიკოსებს და აკადემიური სფეროს წარმომადგენლებს იმსჯელონ და განიხილონ განათლებასთან დაკავშირებული საკითხები, დაძლიონ გამოწვევები, განვითარდნენ პროფესიულად, ერთმანეთს გაუზიარონ საკუთარი გამოცდილება და მოსაზრებები. აგრეთვე, კონფერენცია ემსახურება მთავარ მიზანს - ხელი შეუწყოს თეორიასა და პრაქტიკას შორის კავშირის გამყარებასა და კვლევის შედეგების პრაქტიკულ რეალიზებას.

კონფერენციაში მონაწილეობა მიიღო 12 ქვეყნის 100-ზე მეტმა გამოცდილმა და ცნობილმა პედაგოგმა, პროფესორმა და განათლების სპეციალისტმა. კონფერენციაზე წარმოდგენილ ქვეყნებს შორის იყვნენ ამერიკის შეერთებული შტატები, დიდი ბრიტანეთი, თურქეთი, გაერთიანებული სამეფო, აზერბაიჯანი, კანადა, არაბთა გაერთიანებული საემიროები, სომხეთი, ყატარი, მოლდოვა და ისრაელი. კონფერენციაში მონაწილეობას იღებდა 13 ამერიკელი განათლების ექსპერტი. IBSU მადლობას უხდის ამერიკის სახელმწიფო დეპარტამენტის ინგლისური ენის რეგიონულ ოფისს, რომელმაც უზრუნველყო ინგლისური ენის ექვსი სტიპენდიატისა და ფულბრაიტის პროგრამის ინგლისური ენის მასწავლებლის ასისტენტის კონფერენციაზე დასწრება, რომელთაც მონაწილეებს ღირებული ინფორმაცია გაუზიარეს“,- აღნიშნულია გავრცელებულ ინფორმაციაში.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)