ბათუმში, ავტოსაგზაო შემთხვევის შედეგად 60 წლამდე მამაკაცი გარდაიცვალა.

შემთხვევა გვიან ღამით, აეროპორტის გზატკეცილზე მოხდა.

ადგილობრივების ინფორმაციით, ცენტრალურ საავტომობილო გზაზე ქვეითად მოსიარულე მამაკაცს მსუბუქი ავტომობილი დაეჯახა.

სასწრაფო სამედიცინო დახმარების ცენტრის ინფორმაციით, შემთხვევის ადგილზე მამაკაცი უკვე გარდაცვლილი დახვდათ.

ადგილზე სამართალდამცავები იყვნენ მობილიზებული, ფაქტზე გამოძიება მიმდინარეობს.