შალვა პაპუაშვილი - უპირველეს ყოვლისა, რაც უნდა გააკეთოს უკრაინის ხელისუფლებამ, ეს არის, რომ საქართველოს გადმოსცეს ზურაბ ადეიშვილი და გია ლორთქიფანიძე

ვფიქრობ, რომ თუკი უკრაინის ხელისუფლების ამ წარმომადგენლებს სურთ ქართველი ხალხის გულის მოგება, უნდა დაიწყონ იქიდან, რომ ქართველ ხალხს და ქვეყნის მართლმსაჯულებას გადასცენ ზურაბ ადეიშვილი და გია ლორთქიფანიძე, დანარჩენზე უკვე შემდეგ უნდა ვისაუბროთ, - ასე გამოეხმაურა საქართველოს პარლამენტის თავმჯდომარე შალვა პაპუაშვილი უკრაინის რადას ფრაქცია „ხალხის ხმის" თავმჯდომარე,დავით არახამიას მიერ საქართველოს ევროინტეგრაციასა და მომავალ არჩევნებთან დაკავშირებით გაკეთებულ განცხადებას.

პაპუაშვილი მიიჩნევს, რომ უცხო ქვეყნის პარლამენტის წევრების განცხადებებს დიდი ყურადღება არ უნდა მიექცეს, განსაკუთრებით იმ პირობებში, როდესაც ცნობილია მათი პოლიტიკური აფილიაცია.

„რთულია გააკეთო ამ მხრივ სერიოზული კომენტარები, ერთ რამეს ვიტყოდი, რომ უპირველეს ყოვლისა, რაც უნდა გააკეთოს უკრაინის ხელისუფლებამ, ეს არის, რომ საქართველოს გადმოსცეს ზურაბ ადეიშვილი და გია ლორთქიფანიძე. ერთის წინააღმდეგ არსებობს 5 საქმეზე განაჩენი, 6 წელი აქვს მოსახდელი, ჯამში, 19 წელი აქვს მისჯილი და რომ იყოს ეს ის პერიოდი, როდესაც სააკაშვილის რეჟიმი იყო საქართველოში, 19 წელივე ექნებოდა მოსახდელი, შეკრებითობის პრინციპის გათვალისწინებით, რომელიც მაშინ იყო, თუმცა ამ წესებით მას 6 წელი აქვს მოსახდელი. დღეს ზურაბ ადეიშვილი არის უკრაინის გენერალური პროკურორის მრჩეველი და მართლმსაჯულების რეფორმას კოორდინირებს, რაც არ უნდა ცინიკურად ჟღერდეს ეს ყველაფერი და მეორე გია ლორთქიფანიძე, რომელიც არის მთავარი მოქმედი პირი, საქართველოში სააკაშვილის უკანონო შემოპარების.

მე ვფიქრობ, რომ გადაჭარბებული ყურადღება არ უნდა მივაქციოთ უცხო ქვეყნის პარლამენტის წევრის განცხადებას ჩვენს არჩევნებთან დაკავშირებით, მათ შორის, როდესაც პირდაპირ ვიცით პოლიტიკური აფილიაცია, რომელიც არსებობს კონკრეტულად ამ პოლიტიკოსსა და მიხეილ სააკაშვილს შორის. კიდევ ერთხელ, თუკი რამეზე შეიძლება ჰქონდეთ ახლა საუბარი უკრაინის ხელისუფლების ამ წარმომადგენლებს, პირველი, რასაც ისინი ეუბნებიან ქართველ ხალხს არის ის, რომ მათ გადასცემენ ზურაბ ადეიშვილს და გია ლორთქიფანიძეს, ნაცვლად იმისა, რომ ერთი იყოს გენერალური პროკურორის მრჩეველი და მეორე, უკრაინის კონტრდაზვერვის უფროსის მოადგილე. ეს არის სწორედ ის დამოკიდებულება ქართველი ხალხის მიმართ, რომელსაც ჩვენ ვგრძნობთ, როდესაც ქართველი ხალხის წინააღმდეგ დანაშაულის ჩამდენები არიან სხვადასხვა თანამდებობაზე უკრაინაში“,- განაცხადა პაპუაშვილმა.

ცნობისთვის, როგორც დავით არახამიამ ტელეკომპანია „მთავარისთვის“ მიცემულ ინტერვიუში განაცხადა, ის დარწმუნებულია, რომ არჩევნების შემდეგ „ქართული ოცნება“ ხელისუფლებაში აღარ იქნება და ქართველი ხალხი აღარ შეეგუება ასეთ ხელისუფლებას. ამასთან, მისივე თქმით, საქართველოს მოსახლეობა იმსახურებს ევროპულ მომავალს, თუმცა არა ამ ქვეყნის ამჟამინდელი ხელისუფლება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024