„რუსეთი არის ტერორისტული ქვეყანა“ - ამ ლოზუნგით ბათუმში, საქართველოს და უკრაინის მოქალაქეები აქცია-პერფორმანს მართავენ.

მათი განცხადებით, 8 მაისს ფაშისტური გერმანია დამარცხდა, თუმცა „რაშისტული რუსეთი სისხლის ღვრას აგრძელებს“.

მათივე თქმით, სიმბოლურ თარიღთან დაკავშირებით მსოფლიოს 55 ქალაქში მსგავსი აქცია-პერფორმანსი იმართება.

აქციის მონაწილეები ბათუმის ქუჩებში ავტომობილებით მსვლელობას გეგმავენ.

“8 მაისს ფაშისტური გერმანია დამარცხდა. 21-ე საუკუნეში იგივე ფაშიზმი გრძელდება რუსეთის მიერ, რომელსაც რაშიზმი ჰქვია. ასევე, უნდა დამარცხდეს და სამუდამოდ დასრულდეს ტერორისტული ქვეყნის მიერ სისხლისღვრა. უკრაინის გამარჯვება იქნება ცივილური სამყაროს გამარჯვება. ამ მარშით გვინდა, გამოვხატოთ პროტესტი. მსგავსი აქცია-პერფორმანსი 55 ქალაქში მიმდინარეობს”, - განაცხადეს აქციის მონაწილეებმა.