რომან გოცირიძე - საარჩევნო ცვლილებებს შემდეგი პოლიტიკური განაცხადი აქვს: როგორც ვაყალბებდით, ისევე გავაყალბებთ, არ გვეშინია არც თქვენი და არც ევროკავშირის, ჩვენთვის მთავარია არა ევროკავშირი, არამედ ძალაუფლების შენარჩუნება!

საარჩევნო ცვლილებებს შემდეგი პოლიტიკური განაცხადი აქვს: - როგორც ვაყალბებდით, ისევე გავაყალბებთ, არ გვეშინია არც თქვენი და არც ევროკავშირის, ჩვენთვის მთავარია არა ევროკავშირი, არამედ ძალაუფლების შენარჩუნება! - ასეთია "საარჩევნო კოდექსში" დაგეგმილ ცვლილებებზე ოპოზიციონერი დეპუტატის რომან გოცირიძის შეფასება.

გოცირიძის აზრით, უმრავლესობის კანონპროექტზე პრეზიდენტმა ვეტოს უფლება უნდა გამოიყენოს.

მისი თქმით, ამ ყველაფერს ხედავს ხალხი, რომელიც ხელისუფლებას ძალაუფლების მიტაცებას არ აპატიებს.

"ყველაფერს აქვს ზღვარი. ადამიანების მოთმინების ფიალაც ივსება. თუკი აშკარად ძალაუფლების უზურპაციაზე გადავლენ, მათ ხალხი თავის ადგილს მიუჩენს. სჯობს, ხელისუფლების მშვიდობიანი გზით გადაცემას შეეგუონ. როდესაც გვეუბნებიან, რომ არჩევნებს აზრი არა აქვს, რეაგირებაც სხვანაირი იქნება", - განაცხადა გოცირიძემ საარჩევნო ცვლილებებზე საუბრისას.

პარლამენტში ინიცირებულია უმრავლესობის საკანონმდებლო ინიციატივა, რომლის გათვალისწინებით, ცესკოს თავმჯდომარეობის და ე.წ. პროფესიული წევრობის კანდიდატების შერჩევისა და პარლამენტისთვის წარდგენის პრეროგატივა პრეზიდენტის ნაცვლად, პარლამენტის თავმჯდომარეს ექნება.

იცვლება მათ არჩევასთან დაკავშირებული პროცედურა და კვორუმი - თუკი პარლამენტი ცესკოს თავმჯდომარესა და წევრებს სრული შემადგენლობის უმრავლესობით (76 ხმა) მხარს დაუჭერს, თანამდებობას 5 წლის ვადით დაიკავებენ.

ამ მიმართულებით „საარჩევნო კოდექსსა“ და პარლამენტის რეგლამენტში ცვლილებები ფრაქცია „ქართული ოცნების“ დეპუტატებმა მოამზადეს და ის ბიუროს 8 მაისის სხდომაზე წარედგინა.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს