ქუთაისის მერი იოსებ ხახალეიშვილი მეორე მსოფლიო ომის ვეტერანს შოთა ჩიხლაძეს ესტუმრა და ფაშიზმზე გამარჯვების დღე მიულოცა 101 წლის თანაქალაქელს.

ამის შესახებ ინფორმაციას ქუთაისის მუნიციპალიტეტის მერია ავრცელებს.

როგორც იოსებ ხახალეიშვილმა აღნიშნა, 9 მაისი კიდევ ერთხელ შეხსენებაა იმისა, რა საშინელებაა ომი.

„78 წელი გავიდა მეორე მსოფლიო ომის დასრულებიდან. ძალიან ცოტანი დარჩნენ ჩვენს გვერდით იმ ომის მონაწილეები - ადამიანები, რომლებმაც იბრძოლეს და გაიმარჯვეს. დღეს ერთ-ერთ მათგანს, ბატონ შოთა ჩიხლაძეს სახლში ვესტუმრე და გამარჯვების დღე მივულოცე. 9 მაისი კიდევ ერთხელ შეხსენებაა იმისა, რა საშინელებაა ომი. მშვიდობიან სამყაროში გვეცხოვროს!“ - განაცხადა იოსებ ხახალეიშვილმა.

ქუთაისის მუნიციპალიტეტის მერიის ცნობით, საქართველოს მთავრობის განკარგულებით, ფაშიზმზე გამარჯვების 78-ე წლისთავთან დაკავშირებით, მეორე მსოფლიო ომის მონაწილეები ერთჯერადად 1000 ლარს, ხოლო მეორე მსოფლიო ომში დაღუპულთა ოჯახის წევრები - 500 ლარს მიიღებენ.