სენაკში სამშენებლო მასალების მაღაზია დააყაჩაღეს. არსებული ინფორმაციით, მაღაზიაში ნიღბიანი, შეიარაღებული პირები შეიჭრნენ. გავრცელებული ინფორმაციით, წაღებულია 30 000 ლარამდე თანხა.

შემთხვევა გუშინ მოხდა.

როგორც ,,ინტერპრესნიუსს“ შსს-ში განუცხადეს, მომხდარ ფაქტზე გამოძიება სსკ-ის 179-ე მუხლით დაიწყო, რაც ყაჩაღობას გულისხმობს. უწყების ცნობით, მიმდინარეობს აქტიური საგამოძიებო მოქმედებები.