გარდაბანში ფაშიზმზე გამარჯვების დღე აღნიშნეს

გარდაბანში ფაშიზმზე გამარჯვების დღე აღნიშნეს. გარდაბნის მერიის ცნობით, ფაშიზმზე გამარჯვების 78-ე წლისთავთან დაკავშირებით, გარდაბანში და სოფელ ნორიოში არსებული მეორე მსოფლიო ომში დაღუპული გმირთა მემორიალები გარდაბნის მუნიციპალიტეტის მერმა, დავით კარგარეთელმა, საკრებულოს თავმჯდომარე, მიხეილ გედეხაურმა და ადგილობრივი ხელისუფლების წარმომადგენლებმა ყვავილებით შეამკეს.

გარდაბნის მუნიციპალიტეტის მერი, დავით კარგარეთელი მეორე მსოფლიო ომის ვეტერანს, 101 წლის ილარიონ ოთარაშვილს სახლში ეწვია და ფაშიზმზე გამარჯვების დღე პირადად მიულოცა.

„მინდა ყველას მივულოცო ფაშიზმზე გამარჯვების დღე, განსაკუთრებით ომის ვეტერანებს, რომლებიც უკვე იმ ასაკში არიან, რომ მათზე ზრუნვა ჩვენი ყოველდღიური მოვალეობაა. ამ გამარჯვებისთვის საქართველომ უდიდესი მსხვერპლი გაიღო, 100 ათასობით ქართველი გმირულად დაეცა ბრძოლის ველზე. მადლობა მათ თავგანწირვისთვის, სამშობლოს სიყვარულისთვის“, - აცხადებს გარდაბნის მუნიციპალიტეტის მერი დავით კარგარეთელი.

ფაშიზმზე გამარჯვების დღესთან დაკავშირებით, გარდაბნის მუნიციპალიტეტის მერია, მეორე მსოფლიო ომის მონაწილეებს - 1 000 ლარი, ხოლო ომში დაღუპულთა ოჯახის წევრებს - 500 ლარი და სასურსათო ნობათები გადასცა.

აღსანიშნავია, რომ საქართველოს მთავრობის განკარგულებით, ფაშიზმზე გამარჯვების 78-ე წლისთავთან დაკავშირებით, მეორე მსოფლიო ომის მონაწილეები ერთჯერადად 1 000 ლარს, ხოლო მეორე მსოფლიო ომში დაღუპულთა ოჯახის წევრები - 500 ლარს მიიღებენ.

განკარგულებას საქართველოს პრემიერ-მინისტრმა ირაკლი ღარიბაშვილმა ხელი უკვე მოაწერა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?