შალვა პაპუაშვილი სტრასბურგის სასამართლოს გადაწყვეტილებაზე - მოვუწოდებ დეზინფორმაციული კამპანიის მონაწილეებს, აღმოფხვრან ის რეპუტაციული ზიანი, რაც  საქართველოს და მის ხალხს მიაყენეს

წინდაუხედავი დეზინფორმაციული კამპანიის შემდეგ, მოვუწოდებ ამ კამპანიის მონაწილეებს, აღმოფხვრან ის რეპუტაციული ზიანი, რაც მიაყენეს საქართველოსა და მის ხალხს, - ასე ეხმაურება „ტვიტერის“ გვერდზე პარლამენტის თავმჯდომარე, შალვა პაპუაშვილი საქართველოს იუსტიციის მინისტრის, რატი ბრეგვაძის მიერ გაჟღერებულ ინფორმაციას, რომლის მიხედვითაც სტრასბურგის სასამართლოს გადაწყვეტილებით, მიხეილ სააკაშვილს უარი ეთქვა ვარშავაში გადაყვანაზე, ამავდროულად, სახელმწიფოს არ დაევალა მისი ქვეყნის შიგნით სხვა სამკურნალო დაწესებულებაში გადაყვანა.

პაპუაშვილის თქმით, რეპუტაციული ზიანის აღმოფხვრა არის ერთადერთი გზა ქართველი ხალხის ნდობის მოსაპოვებლად და იმისთვის, რომ მომავალში გარკვეული სანდოობა ჰქონდეთ.

შეგახსენებთ, რომ გუშინ, შალვა პაპუაშვილმა სტრასბურგის სასამართლოს გადაწყვეტილების შეფასებისას განაცხადა, რომ „დადასტურდა სახელმწიფოს მოქმედება მიხეილ სააკაშვილის მიმართ იყო კორექტული და ადამიანის უფლებათა უმაღლესი სტანდარტების შესაბამისი“.

მისივე თქმით, მიხეილ სააკაშვილის დაპატიმრების მომენტიდან საქართველო გახდა მასშტაბური დეზინფორმაციული კამპანიის სამიზნე.

„ამ კამპანიაში ნებსით თუ უნებლიეთ მონაწილეობდნენ როგორც ქართული ოპოზიცია და არასამთავრობო ორგანიზაციები, ისე უცხოელი პოლიტიკოსები და დიპლომატები“, - აღნიშნა პარლამენტის თავმჯდომარემ.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ