ამბროლაურში მე-7 ქუჩის და გურგენიძის ჩიხის რეაბილიტაცია მიმდინარეობს

ამბროლაურში, მე-7 ქუჩის და გურგენიძის ჩიხის ასფალტო-ბეტონის საფარის მოწყობის სამუშაოები ხორციელდება.

ამბროლაურის მერიის ინფორმაციით, მიმდინარე სამუშაოები ამბროლაურის მუნიციპალიტეტის მერმა ზვიად მხეიძემ და მერის პირველმა მოადგილემ-დავით გოგლიძემ მუნიციპალიტეტის შესაბამისი სამსახურის წარმომადგენლებთან ერთად დაათვალიერეს.

უწყების ცნობით, პროექტი რეგიონული განვითარების ფონდის დაფინანსებით ხორციელდება და მისი სრული ღირებულება 215 444 ლარს შეადგენს. სარეაბილიტაციო სამუშაოებს შპს „ამბროლაურის ავტოგზა 10“ ასრულებს.