უხვმა ნალექმა იმერეთში პრობლემები შექმნა. დატბორილია ეზოები, სახლები და სავარგულები. ადგილობრივები დახმარებას ითხოვენ.

შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის მე-18 კმ-ზე მოძრაობა აკრძალულია, მიზეზი მდინარე რიონის კალაპოტიდან გადმოსვლა გახდა.

უხვი ნალექის შედეგად ადიდებულმა მდინარემ საავტომობილო გზა დატბორა, ადგილზე საპატრულო პოლიციის წარმომადგენლები არიან მობილიზებული და მოსახლეობას არსებული შეზღუდვის შესახებ ატყობინებენ.