შალვა პაპუაშვილი ლევან ბერძენიშვილის განცხადებაზე  -  ეს არის ის ექსპერიმენტი, რომელსაც „ნაციონალური მოძრაობა“ და მისი სატელიტები ატარებენ ქართულ საზოგადოებაზე

ცდილობენ, რაც შეიძლება მეტი ზიზღი და ნეგატივი შემოიტანონ ქართულ საზოგადოებაში და ადამიანები ერთმანეთს გადაკიდონ, - ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა, რითაც გამოეხმაურა ლევან ბერძენიშვილის განცხადებას, რომლის თანახმად, ხელისუფლებას მის წინააღმდეგ უწიგნური საზოგადოება ჰყავს მობილიზებული.

როგორც შალვა პაპუაშვილმა განაცხადა, ეს არის ექსპერიმენტი, რომელსაც „ნაციონალური მოძრაობა“ და მისი სატელიტები ქართულ საზოგადოებაზე ატარებენ.

,,უკვე წლებია, არის გარკვეული მცდელობა, რომ რაც შეიძლება მეტი ზიზღი შემოიტანონ ქართულ პოლიტიკურ და საზოგადოებრივ დებატებში. რაც შეიძლება მეტი ზიზღი იყოს, რომ შემდგომ ამ ზიზღით გავსებულმა ადამიანებმა, რაც შეიძლება რადიკალური ნაბიჯები გადადგან. სწორედ, ამ კატეგორიიდან არის ასეთი ტიპის განცხადებები, რომ საზოგადოებაში გააღვივონ სხვა ადამიანების მიმართ ნეგატიური დამოკიდებულება და ამით გარკვეულწილად ითამაშონ ნეგატიურ ემოციებზე. ეს არის სამწუხაროდ ის ექსპერიმენტი, რომელსაც ბოლო ათი წელია, „ნაციონალური მოძრაობა“ და მისი სატელიტები ატარებენ ქართულ საზოგადოებაზე. მედიით იქნება, მათი "ენჯეობის" მხარდაჭერით, თუ მათი უცხოელი კოლეგების მეშვეობით, ისინი ცდილობენ, რაც შეიძლება მეტი ზიზღი და ნეგატივი შემოიტანონ ქართულ საზოგადოებაში და ადამიანები ერთმანეთს გადაკიდონ. ეს არის ერთ-ერთი პოლიტიკა, რასაც ისინი აწარმოებენ და სწორედ ასეთი ტიპის კატეგორიიდან არის მსგავსი ტიპის განცხადებები და შეფასებები”, - განაცხადა შალვა პაპუაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს